Saturday, August 4, 2007

കലാമിന്‍റെ സ്വപ്നം സാക്ഷാത്കരിക്കാന്‍ "ഇഗ്നൈറ്‍റഡ് മൈന്‍റി"ന്‍റെ പുതിയരൂപവുമായി ഹനീഫ.

അവലംബം: 'സിറാജ്' ദിനപത്രം 2007 ആഗസ്ത് 7 ശനി, പേജ് 9, ദുബൈ എഡിഷന്‍ (വാര്‍ത്തയുടെ പ്രസക്ത ഭാഗങ്ങള്‍)
തിരൂര്‍‍: മുന്‍ രാഷ്ട്രപതി എ.പി.ജെ.അബ്ദുല്‍കലാമിന്‍റെ സ്വപ്നം സാക്ഷാത്കരിക്കാന്‍ കലാമിന്‍റെ ആശയങ്ങള്‍ വിദ്യാര്‍ത്ഥികളിലെത്തിക്കുന്നതിനായി ഏറെ പരിശ്രമിച്ച എടരിക്കോട് സ്വദേശി ഹനീഫ പുതുപ്പറംപ് ശ്രദ്ധേയനാകുന്നു.
തിരൂര്‍‍‍ എസ്.എസ്.എം.പോളിടെക്നിക് കോളേജ് ലക്ചററായ ഹനീഫ കലാമിന്‍റെ 'ഇഗ്നൈറ്‍റഡ് മൈന്‍റ്' എന്ന പുസ്തകമാണ് വിദ്യാര്‍ത്ഥികള്‍ക്ക് പഠിക്കാനുതകുന്ന രൂപത്തില്‍ പാകപ്പെടുത്തി പുന:പ്രസിദ്ധീകരിച്ച് കേരള സംസ്ഥാന പോളിടെക്നിക് സിലബസില്‍ ഭാഷാപഠനത്തിന് തയ്യാറാക്കിയിരിക്കുന്നത്. സംസ്ഥാനത്തെ പോളിടെക്നിക് കോളേജ് സിലബസില്‍ ഇംഗ്ളീഷ് ഭാഷാപഠന പുസ്തകങ്ങള്‍ സമൂലമായി പരിഷ്കരിക്കണമെന്ന ആവശ്യമുയര്‍ന്നതോടെയാണ് സംസ്ഥാന പോളിടെക്നിക് റിവിഷന്‍ കമ്മിറ്‍റി അംഗമായ ഹനീഫ് ഈ ആശയം മുന്നോട്ട് വെച്ചത്. അതിനായി മുന്‍ രാഷ്ട്രപതിയുടെ പുസ്തകം പരീക്ഷ അനുബന്ധമായ പഠനകുറിപ്പുകളും കീനോട്ടുകളും തയ്യാറാക്കി പാഠ്യപുസ്തകരൂപത്തിലാക്കുന്ന ചുമതല ഏറ്‍റെടുത്ത് നടത്തിയതും ഹനീഫ തന്നെ.
കഴിഞ്ഞ 14 വര്‍ഷമായി തിരൂര്‍‍‍ എസ്.എസ്.എം.പോളിടെക്നിക് കോളേജ് ഇംഗ്ളീഷ് ലക്ചററായി സേവനമനുഷ്ടിക്കുന്ന ഹനീഫ എടരിക്കോട്ടെ പുതുപറംപ് അഹമ്മദിന്‍റെയും ആഇശയുടെയും മകനാണ്. കോഴിക്കോട് ഫാറൂഖ് കോളേജിലായിരുന്നു ഉപരിപഠനം